Salvamento Marítimo remolcou a pasada noite a embarcación de pasaxe ‘Salacia’, que quedou sen propulsión fronte á illa Martiño, nas Cíes, con 11 persoas a bordo.  Segundo detallou o servizo de emerxencias, a máquina da nave alagouse e quedaron sen propulsión mentres estaban fondeados en illa Martiño.

Ao ter coñecemento dos feitos tras recibir o aviso o Centro de Coordinación en Vigo, Salvamento mobilizou á Salvamar Mirach, que remolcou a embarcación ao Real Club Náutico de Vigo.