A Policía Nacional detivo en Vigo a un home tras ser ‘cazado’ cunha mochilla chea de retrovisores de motocicletas roubados. Nun comunicado, os axentes explican que un cidadán alertou de que un home estaba a subtraer espellos retrovisores de motos aparcadas na vía pública.

Unha vez no punto, os funcionarios localizaron ao aludido, rexistrando a súa mochila e atopando varios retrovisores no seu interior. Tras comprobar que estes efectos pertencían a distintas motocicletas estacionadas na vía pública, os axentes procederon á detención desta persoa por suposto roubo con forza.