Un operario resultou ferido tras envorcar un camión e caer da cesta elevadora cando retiraba unhas cámaras de seguridade do paseo marítimo de Panxón, en Nigrán. Segundo informou o 112 Galicia, o suceso produciuse sobre as 13.10 horas deste domingo e foron varios particulares os que alertaron para pedir asistencia sanitaria. Ata o punto desprazáronse os profesionais de Urxencias Sanitarias de Galicia-061, a Garda Civil, o GES do Val Miñor e a Polícia Local de Nigrán.