A Policía Nacional desarticulou unha banda organizada colombiana que se dedicaba a entrar en vivendas de cidadáns chineses propietarios de bazares.n sí o confirmou o subdelegado do Goberno en Pontevedra, Abel Losada, que explicou que o tres homes da banda dedicábanse a roubar “cantidades importantes” de diñeiro e xoias.
Sinalou ademais que, tras a detención deste tres homes de entre 25 e 33 anos de idade asentados en Madrid “e en situación irregular en España”, “está a tratarse de explotar ao máximo a operación para pescudar se se lles poden imputar roubos destas características noutras provincias”.
Losada confirmou que a banda xa perpetrou un roubo en Pontevedra, probablemente outro nun municipio rural da provincia e outro na rúa Urzáiz de Vigo, onde foron detidos o pasado día 1. Aos detidos interviñéronselles útiles para abrir portas como ganzúas, xogos de chaves, luvas e outro material similar. A investigación diríxea o Xulgado de Instrución Nº1 de Vigo.
“IMPORTANTE ÍNDICE DE EFICACIA”
O subdelegado encomiou o traballo policial e agradeceu a colaboración dun repartidor de paquetería “que foi moi importante” para poder sorprender “in fraganti” aos detidos. “É de destacar o importante índice de eficacia que están a ter as forzas e corpos de seguridade do Estado na desarticulación deste tipo de bandas dedicadas ao roubo en pisos ou vivendas unifamiliares. Son xa varios os clans que caeron nos últimos meses e iso contribúe de forma significativa a que esta provincia continúe entre as máis seguras de España cunhas estatísticas de seguridade cidadá máis que destacables”, sinalou.
