A A-55 volveu a rexistrar longos atascos na mañá deste venres en ambos os sentidos ao rexistrarse dous accidentes nos que ningún condutor resultou ferido.

Tal como informan fontes do 112 Galicia a Europa Press, ambos os incidentes ocorreron ao redor das 07.00 horas na zona de Tamiega, en Mos, afectando a ambos os sentidos de circulación, dirección Vigo e dirección Portugal.

En concreto, o primeiro deles tratouse dunha colisión entre un camión e un turismo, mentres que o segundo foi unha colisión por alcance múltiple.

Neste último, sete vehículos víronse implicados, con catro feridos leves. Outras 11 persoas resultaron ilesas aínda véndose involucradas no choque.

Para a atención dos feridos, en total catro, solicitouse a intervención dos profesionais de Urxencias Sanitarias de Galicia-061, mentres que da ordenación do tráfico e das condicións de seguridade na vía ocupáronse os axentes da Garda Civil de Tráfico.

Foron precisamente as forzas da orde quen confirmaron a cantidade de vehículos implicados, sete, e o número feridos leves, catro, e outro once persoas que resultaron ilesas.

O accidente produciuse na A-55, no punto quilométrico 10, en sentido Vigo.

En ningún deles houbo que lamentar feridos, aínda que si se rexistraron longos atascos á primeira hora da mañá deste venres.