A Cidade da Xustiza de Vigo foi desaloxada tras saltar a alarma de incendios por unha persoa que estaba a fumar nos baños.

O incidente produciuse sobre as 10.00 horas deste mércores e, segundo detallou o Tribunal Superior de Xustiza de Galicia (TSXG) foi unha persoa citada para unha declaración no xulgado de instrución, situado na segunda planta, a que fixo saltar a alarma.

Do sucedido non houbo que lamentar danos xa que foi unha ‘falsa alarma’, pero, puntualizou o TSXG, “saltou por un motivo real”.