Dúas persoas foron trasladadas tras chocar unha moto e un coche na rúa Ludeiro, na parroquia de San Martiño de Tameiga, en Mos. Segundo informou o 112, foi un particular o que deu a voz de alarma 10 minutos antes das 10.30 horas deste sábado e detallou que o motoristas estaba ferido e tendido sobre o chan.

A central de emerxencias, mobilizou a Urxencias Sanitarias de Galicia-061, aos Bombeiros do Porriño, ao GES de Mos, á Policía Local e á Agrupación de Voluntarios e ao Servizo Municipal de Protección Civil de Mos. Unha vez no punto, os membros de Protección Civil indicaron que as dúas persoas feridas, ambas as ocupantes da moto, foron trasladadas ao hospital de referencia.