Unha muller tivo que ser antendida polos profesionais sanitarios ao sufrir unha crise de ansiedade tras calcinarse a cociña da súa vivenda en Vigo. Segundo informou o 112, os feitos ocorreron sobre as 22.30 horas do venres nun edificio situado na rúa Fotógrafo Luís Casado.

Foron varios particulares os que alertaron de que vían saír fume da xanela dunha vivenda e da cheminea dun edificio. Ademais, engadiron que non podían asegurar que ardía e sen saber se había persoas afectadas. A central de emerxencias deu aviso á Policía Local e Nacional, aos efectivos da Agrupación de Voluntarios de Protección Civil e ao persoal do Servizo de Urxencias Sanitarias de Galicia-061.