O xulgado de instrución número 2 de Vigo acordou o traslado de J.D.E., detido o pasado mércores como suposto autor da morte da súa irmá no barrio de Lavadores, ao hospital Álvaro Cunqueiro da cidade olívica, ao non atoparse en condicións de declarar. O investigado chegou na mañá deste venres a dependencias xudiciais procedente dos calabozos da Comisaría e foi avaliado polos forenses do Imelga, que determinaron que o seu estado non permite tomarlle declaración.

Por iso, o xuíz acordou o seu traslado ao hospital Álvaro Cunqueiro para unha avaliación. Este sábado cúmprese o prazo legal máximo de detención polo que, se chegado ese momento a súa situación non cambiou, será ingresado involuntariamente nunha Unidade de Saúde Mental, ata que as súas condicións melloren. Tal e como xa explicaron os seus familiares, J.D.E. ten problemas de saúde mental e de adiccións e está baixo a curatela da Funga, dependente da Xunta.