Un accidente ocorrido sobre as 10.30 horas da mañá deste luns na AP-9 ao seu paso polo aeroporto de Vigo provocou grandes retencións na zona. Segundo fontes do 112 Galicia consultadas por Europa Press, foi un particular o que alertou aos servizos de emerxencias, indicando que se produciu unha colisión entre dous coches no punto quilométrico 158 da AP-9, na parroquia viguesa de Cabral, preto da saída do aeroporto. O incidente impedía a circulación, xa que os vehículos interrompían o paso. Por iso, deuse aviso a Urxencias Sanitarias, á Garda Civil de Tráfico e ao servizo de mantemento da vía.