Unha colisión múltiple na Autovía do Morrazo, á altura de Moaña, deixa a dúas persoas feridas e complicacións no tráfico esta mañá de xoves. Segundo informa o 112 Galicia, catro coches víronse implicados nun accidente na AG 4.6 ocorrido pasadas as 7,00 horas da mañá deste xoves.

Segundo a información recollida no 112 Galicia, dous vehículos chocaron no punto quilométrico 6 en sentido Rande. Uns minutos despois, outros dous coches chocaron cos anteriores, o que provocou que parase a circulación nese punto.

A consecuencia de ambos os impactos, dúas persoas necesitaron asistencia médica. Foron evacuadas por unha dotación de Urxencias Sanitarias de Galicia-061. Tamén se pediu a colaboración dos axentes da Garda Civil de Tráfico e da Policía Local, así como de equipos de limpeza e mantemento da vía para recuperar as condicións de seguridade da calzada.