Catro persoas foron detidas en Vigo tras a desarticulación dunha organización criminal dedicada á captación e posterior explotación sexual de mulleres, ás que tiñan “totalmente controladas” baixo ameazadas e “hacinadas en condicións de insalubridade” en pisos de citas.
Tal como informou a Policía Nacional, a investigación comezou en 2022, cando se tivo coñecemento da existencia dun piso de citas na cidade olívica onde se podía estar a realizar esta explotación sexual. Grazas á cooperación entre distintos persoais policiais de Galicia, púidose comprobar que o principal investigado era coñecido no seu país de orixe por financiar a viaxe das vítimas desde Sudamérica a España. Unha vez en Vigo, eran aloxadas nalgún dos múltiples pisos que a organización tiña, onde eran explotadas sexualmente.
Dita explotación tiña como obxectivo saldar a débeda contraída pola súa viaxe, que nalgúns casos chegada a ascender a uns 7.000 euros. “O principal investigado se valía doutros compatriotas para levar a cabo tanto o tráfico de persoas como a súa posterior explotación sexual e férreo control, estimando os investigadores a existencia de ao redor unha trintena de vítimas que foron traficadas e explotadas, xerando importantes ingresos económicos á Organización, dos que posteriormente facían alarde en Redes Sociais publicando festas en barcos, ceas en restaurantes exclusivos e luxosos artigos de agasallo”, engade a Policía Nacional.
Froito da investigación o pasado martes procedeuse á detención de catro integrantes da organización e ao rexistro de dúas vivendas utilizadas para as súas actividades ilícitas, liberándose a catro mulleres que se atopaban no interior dos pisos en situación de explotación e en condicións de habitabilidade “ínfimas”.