InicioSucesosDetidos dous veciños de Bueu pola suposta comisión dun delito de tráfico...

Detidos dous veciños de Bueu pola suposta comisión dun delito de tráfico de drogas

A Garda Civil tamén informou de que investiga a un home por apropiación indebida dun vehículo, despois de ser interceptado en Redondela conducindo un coche roubado.

PUBLICADO O

- Advertisement -

A Garda Civil detivo a dous veciños da localidade pontevedresa de Bueu como presuntos autores dun delito de tráfico de drogas, achando no seu domicilio ata 430 doses de heroína e 70 de cocaína, ademais de 2.000 euros en efectivo. Tal como informou a Benemérita, a investigación iniciouse hai dous meses, cando se detectou un domicilio desde o cal se distribuirían estupefacientes no centro urbano de Bueu. No rexistro desta vivenda, atopáronse drogas e diñeiro en efectivo, polo que os seus dous moradores foron detidos, tratándose dun home de 58 anos e unha muller de 46. Os dous contaban con antecedentes pola comisión de delitos de tráfico de drogas.

UN HOME, INVESTIGADO POR ROUBO DE VEHÍCULO

Por outra banda, a Garda Civil tamén informou de que investiga a un home por apropiación indebida dun vehículo, despois de ser interceptado en Redondela conducindo un coche roubado. Os feitos ocorreron na mañá do 8 de xaneiro, cando unha patrulla deu o alto a un home que circulaba facendo uso do teléfono móbil. Tratábase dun veciño de Ponteareas de 52 anos de idade, pero o automóbil non figuraba ao seu nome. Tras comprobalo, constaba unha denuncia por subtracción, presentada en Vigo. Por iso, procedeuse á súa investigación por un delito de apropiación indebida, remitindo dilixencias ao Xulgado de Garda de Redondela.

ÚLTIMAS

Caballero pide unha reunión urxente con Xunta, Deputación, Goberno e Celta para pactar a reforma de Balaídos

O alcalde de Vigo, Abel Caballero, propuxo unha reunión este venres, día 20 de...

Un choque entre un coche e un camión provoca retencións na avenida de Beiramar, en Vigo

Un accidente de tráfico entre un turismo e un camión está a provocar retencións...

BNG critica que Sareb funcione “como unha especie de fondo voitre”

O BNG criticou este martes que a Sociedade de Xestión de Activos Procedentes da...

O Celta consegue que a RAG incorpore no diccionario “canteirán,canteirá”

O Diccionario da Real Academia Galega (RAG) incorporou "Canteirán, canteirá" como nova acepción tras...