Un operario faleceu este luns tras caer dun guindastre mentres traballaba na parroquia de Tortoreos, no municipio pontevedrés das Neves. Segundo trasladou o 112 Galicia, sobre as 14.30 horas un particular alertaba á central de emerxencias de que un home se caeu desde un guindastre entre un muro e a máquina. Con esta información, os operadores do 112 solicitaron a intervención do Servizo de Urxencias Sanitarias de Galicia-061 e dos axentes da Garda Civil. Con todo, o persoal sanitario desprazado ao lugar non puido facer nada por salvarlle a vida.