Comisaría Provincial de Pontevedra, o Grupo I da Udyco da Comisaría Vigo-Redondela e o Grupo 33 da Udyco Central.
Tamén participaron, por parte da Policía Nacional, o Grupo Especial de Operacións e a Brigada Provincial de Seguridade Cidadá, mentres que por parte da Garda Civil a USECIC, o Servizo Cinolóxico e Unidades de Seguridade Cidadá da Comandancia da Garda Civil de Pontevedra.
Segundo informan nun comunicado, tras unha “longa e complexa” investigación, procedeuse á detención de seis persoas, de entre 27 e 67 anos de idade, con domicilios nas localidades pontevedresas da Cañiza, Salceda de Caselas e Tomiño.
Ademais, levaron a cabo rexistros en cinco inmobles nas mesmas localidades, intervindo, entre outros efectos, máis de 2 quilos de cocaína, 1.789 plantas de marihuana, 30 quilos de cogollos desta mesma droga, 3 quilos de haxix, así como básculas de precisión, catro vehículos e 370 paquetes de tabaco de contrabando.
Precisamente, no interior dunha nave en Tomiño localizouse unha plantación industrial para o cultivo de cannabis, cunha instalación eléctrica valorada nuns 100.000 euros. Segundo as forzas de seguridade, o grupo dedicábase tamén á distribución de cocaína, intervindo nun dos rexistros dous paquetes dun quilo cada un e envoltorios con 200 gramos da mesma sustancia.
Do seis detidos, tres deles quedaron en liberdade en sede policiais, mentres que a outra metade foron postos a disposición do Xulgado de Instrución número 3 de Tui, ingresando un deles en prisión. A operación continúa aberta e non se descartan novas detención
