Un incendio nun bar de Redondela, que se saldou con danos materiais, obrigou a desaloxar un edificio na madrugada deste mércores, segundo informou do CIAE 112 Galicia.

A alarma activouse sobre as 4,30 horas deste mércores na Avenida de Vigo, na parroquia de Chapela, cando un particular contactou con Emerxencias para avisar de que saía fume branco do interior dun bar.

O 112 mobilizou aos bombeiros do Porriño, o GES de Mos e á Policía Local e Nacional. Os axentes de Policía Local, ao chegar e comprobar que había fume xa nas escaleiras do edificio, en cuxo baixo se sitúa o local hostaleiro, procederon ao desaloxo do mesmo.

Os bombeiros procederon á extinción das chamas, que afectaron sobre todo á barra do bar e, tras ventilar as estancias, os ocupantes do inmoble puideron regresar ás súas casas sen máis complicacións.