InicioSucesosDesaloxadas varias persoas de dúas pensións "ilegais" de Vigo polo seu mal...

Desaloxadas varias persoas de dúas pensións “ilegais” de Vigo polo seu mal estado

A Federación REDE anuncia que prepara denuncia ante a Fiscalía para que se investigue se existe en Vigo unha rede delituosa de alugueiro de vivendas en mal estado.

PUBLICADO O

Un grupo de persoas que vivían en dous edificios en moi mal estado da rúa Fisterra de Vigo foron desaloxados este mércores por mandato xudicial. Nos números 11-13 da rúa Fisterra operaban “pensións ilegais” , segundo denuncia a Federación Rede. O dispositivo policial foi importante e afectou a varios departamentos municipais: Urbanismo, Sanidade, Servizos Sociais, Servizos Xurídicos, e por suposto a Policía Loca.

Boas parte das máis de 40 persoas que alí estaban xa marcharon nos últimos días tras recibir avisos por parte do concello pero un pequeno grupo delas decidiu quedar e foron, finalmente, desaloxadas pola Policía este mércores. Nin a propiedade, nin os administradores (e algúns inquilinos tamén) fixeron caso á ‘orde’ do Concello de Vigo ditada o pasado 19 de outubro na que se pedía proceder ao desaloxo das vivendas ante o perigo latente dun sinistro grave como o ocorrido o día 11 de outubro no incendio do edificio de Alfonso X O Sabio, onde morreron unha muller e tres dos seus fillos.

Segundo destaca Rede, o día 24 de outubro, ante esta “desobediencia”, o Concello de Vigo solicitou autorización xudicial para poder entrar nos edificios e proceder a un desaloxo forzoso, feito que si levará a cabo a partir das 9:00 horas deste mércores 8 de novembro. Todos os inquilinos tiñan de prazo ata media hora antes do inicio do operativo para gardar as súas pertenzas en bolsas que o propio concello depositará nun almacén municipal. 

Desaloxo policial dun edificio en ruínas en Vigo / REDE

“PENSIÓNS ILEGAIS”

Os cuartos das pensións clandestinas custaban entre 100 e 350 euros mensuais e eran pagados a unha rede de empresarios locais, agora enfrontados, que xestionan 40 sociedades diferentes, a maior parte delas vinculadas aos negocios de arrendamentos e alugueiros de inmóbeis, algúns deles nunha situación ruinosa e inmunda, como a detectada en Fisterra 11-13, con habitacións minúsculas, augas polas conducións dos cables (boa parte deles á vista), carencia de tomas de terra, gretas nas paredes, desprendementos de revestimentos e teitumes, privación de ventilación e luz natural, e proliferación de diversa fauna (cascudas, ratas, chinches…)”, denuncia Rede.

Tras o desaloxo, os edificios serán tapiados para imposibilitar o acceso de calquera persoa. A Federación REDE anuncia que prepara denuncia ante a Fiscalía para que se investigue se existe en Vigo unha rede delituosa que se aproveita das necesidades extremas das persoas máis vulnerábeis, entre elas persoas con discapacidade e persoas maiores.

ÚLTIMAS

Encontrado o cadáver dunha muller dentro dun coche aparcado nun parking de Samil

O cadáver dunha muller foi achado dentro dun coche que estaba aparcado nun parking...

Decretan prisión para o recluso da Lama investigado pola morte da muller que apareceu no Porriño

A maxistrada do Xulgado de Instrución número 3 do Porriño decretou prisión provisional, comunicada...

Sae o vehículo número 16 millóns de Stellantis, un Fiat E-Dobló 100% eléctrico

Stellantis Vigo produciu este martes o seu vehículo número 16 millóns desde que a...

Expertos analizan no Porriño o “difícil” camiño das vacinas pendentes

A Asociación Nacional de Informadores da Saúde (ANIS), en colaboración con Zendal, organizaron no...