O caso do mozo de 26 anos que o domingo foi detido tras semiamputar dunha dentada o dedo ao seu avó, durante unha discusión, quedou arquivado en sede xudicial. Segundo informan fontes do Tribunal Superior de Xustiza de Galicia (TSXG), o arrestado pasou o luns a disposición xudicial, pero acordouse o sobresemento por falta de probas, dado que a familia decidiu non declarar.

Foi á primeira hora da tarde cando os axentes se desprazaron ao lugar onde se estaba producindo unha discusión entre o home e o seu pai. No transcurso da mesma, o avó tratou de mediar entre ambos, momento no cal o agora detido mordeulle nun dedo, provocándolle a semiamputación do pulgar da man esquerda. Ata a vivenda desprazouse unha dotación da Policía Nacional e da Local, detendo ao mozo e trasladando ao avó, de 76 anos de idade, ao Hospital Álvaro Cunqueiro de Vigo.