InicioSucesosUn home é detido tras agredir e insultar á súa parella en...

Un home é detido tras agredir e insultar á súa parella en presenza do seu fillo na rúa Pizarro

O agresor, A.A.B. de 47 anos de idade, foi detido na madrugada deste pasado mércores tras propinarlle un empuxón e lanzar un cadro contra a súa muller.

PUBLICADO O

- Advertisement -

Un home, A.A.B. de 47 anos de idade, foi detido na madrugada deste pasado mércores en Vigo tras agredir e insultar á súa parella en presenza do seu fillo menor de idade.

Tal como informou a Policía Local, os feitos ocorreron minutos antes das 00.30 horas, cando os axentes foron requiridos nun domicilio da rúa Pizarro, onde se escoitaba unha forte discusión de parella e un menor pedía auxilio.

Unha vez no lugar, os funcionarios localizaron á muller en estado de ‘shock’ acompañada de varios veciños na entrada da vivenda. Ao non ser capaz de falar nin interactuar cos policías, estes solicitaron a asistencia dos servizos sanitarios para que a atendesen no punto.

Unha vez acougada, manifestou que no medio dunha discusión coa súa actual parella, este incrementou a súa agresividade, primeiro a través de insultos graves e logo propinándolle un empuxón. Todo iso en presenza do seu fillo menor, que se interpuxo entre os adultos para protexer á súa nai.

“O presunto autor dos feitos descritos chegou mesmo a descolgar un cadro e lanzalo contra ambos, continuando con insultos agora dirixidos tamén ao menor. Posteriormente o individuo abandonou o domicilio durante uns minutos, regresando momentos despois e comezando a golpear de novo con patadas e puñadas o mobiliario da vivenda, polo que a muller e o seu fillo pediron auxilio ata a chegada dos axentes”, recolle a Policía Local.

Por iso, deuse aviso para a procura do home, que foi localizado na rúa Couto San Honorato, sendo detido como presunto autor dun delito de violencia de xénero.

ÚLTIMAS

O adestrador acusado de abusar dunha menor en Vigo alega que as relacións foron consentidas e ela tiña xa 16 anos

O adestrador de fútbol acusado de abusar sexualmente dunha xogadora menor de idade en...

Un home acepta seis meses de prisión por tocar a zona xenital dunha muller nun karaoke de Vigo

Un home, J.P.L.D.S.P., aceptou seis meses de prisión por tocar a zona xenital dunha...

Detido un hombe por entrar a roubar no interior dun almacén en Vigo

Un home, S.P.M. de Ponferrada (León) e 35 anos de idade, foi detido en...

Piden 13 anos para un adestrador por supostos abusos a unha xogadora menor de idade en Vigo

Un adestrador de fútbol feminino enfróntase a penas que suman 13 anos de prisión, como...