O aeroporto de Peinador xa opera con normalidade despois de que, na mañá deste martes, tres voos foron desviados ao aeroporto de Lavacolla, en Santiago de Compostela, por baixa visibilidade por mor da néboa.

Segundo confirmaron fontes de AENA a Europa Press, os voos, os primeiros en aterrar na cidade olívica, eran procedentes de Barcelona e dous de Madrid.

Con todo, a partir das 10:00 horas deste martes a situación restableceuse e os voos procedentes de Londres e Tenerife Norte puideron aterrar con normalidade.