Unha persoa foi detida nun operativo policial levado a cabo pola Garda Civil en Cangas, no marco dunha investigación sobre asaltos a caixeiros de entidades bancarias, segundo informaron fontes coñecedoras da intervención.

Sobre as actuacións decretouse o segredo de sumario, pero as fontes confirmaron que hai unha persoa detida e que se levou a cabo un rexistro nun domicilio na parroquia canguesa do Hío.

O detido foi posto a disposición do xulgado de instrución número 2 de Cangas, que decretou a súa posta en liberdade, investigado por un presunto delito de intento de roubo nun caixeiro.