Un equipo de mergullo privado rescatou o corpo sen vida do submarinista desaparecido este sábado na ría de Vigo mentres realizaba actividades de mergullo fronte á costa do municipio pontevedrés de Moaña.
Segundo confirmou o 112 Galicia, foi un compañeiro o que alertou da súa desaparición sobre as 17,30 horas tras varias horas sen ter noticias del.
Na súa comunicación, o alertante indicaba que ambos saíran nunha embarcación para realizar actividades de mergullo fronte á costa de Moaña, nas proximidades da depuradora municipal.
Con esta información, os xestores do 112 deron aviso a Salvamento Marítimo, que mobilizou á embarcación Salvamar Mirach; ao Servizo de Gardacostas, que enviou á Pesca 1; á Garda Civil; Policía Local; e Protección Civil.
