A Policía investiga a morte dunha persoa que, na tarde deste luns, precipitouse desde unha altura cara a un patio interior dun edificio na rúa Doutor Canoa de Vigo.
Segundo informou o 112, os feitos ocorreron sobre as 19,30 horas, cando un particular contactou con Emerxencias para alertar de que unha persoa posiblemente caeu desde unha xanela a un patio interior.
O CIAE alertou a Policía Local, Policía Nacional, Bombeiros e Urxencias Sanitarias-061, que non puideron facer nada pola súa vida. Efectivos de bombeiros foron os encargados de rescatar o corpo desa persoa. Fontes policiais sinalaron que non se atoparon indicios de delito violento ou de criminalidade.
