InicioDeportesA cidade espera superar os 10.000 participantes na súa carreira de San...

A cidade espera superar os 10.000 participantes na súa carreira de San Silvestre, que este ano sairá de Porta do Sol

PUBLICADO O

O alcalde de Vigo, Abel Caballero, adiantou este mércores os preparativos da carreira de San Silvestre que organiza o Concello, que un ano máis volverá percorrer as rúas da cidade o vindeiro sábado 31 de decembro a partir das 17.00 horas.

Como novidade, nesta ocasión a marcha sairá da nova Porta do Sol, polo que discorrerá tamén polas rúas Policarpo Sanz, Rosalía de Castro, Serafín Avendaño, Arenal, O Porto, Marqués de Valladares, Carral, Cánovas do Castelo, Mestre Mateo, Teófilo Llorente, Real, Méndez Núñez, Misericordia e Elduayen ata chegar de novo a Porta do Sol.

O rexedor olívico asegurou que a carreira de San Silvestre é o maior evento lúdico deportivo da cidade por participación. Segundo os seus datos, en 2019 foron máis de 12.000 as persoas que correron polas rúas de Vigo. Este ano o Concello espera polo menos acadar as 10.000, co obxectivo posto en superar a asistencia de antes da pandemia.

Caballero lembrou que se trata dun acto solidario, polo que pediu aos vigueses que acheguen comida, que será doada a Banco de Alimentos. Tamén insistiu na importancia de que todos os participantes dispoñan de dorsal, xa que inclúe un seguro.

Familias, equipos, mascotas e todo tipo de disfraces son permitidos na San Silvestre viguesa, que conta co apoio de Decathlon, Máis que Auga, Coca-Cola, Gadis, Hyupersa Vigo Hyundai, Froitas Neves e Vitrasa.

ÚLTIMAS

Rescatado o corpo sen vida dun home despois dun accidente co seu kaiak en Fornelos de Montes

Os Bombeiros do Porriño rescataron o corpo sen vida dun home tras sufrir un...

Máis de mil persoas de loito en Moaña para reclamar o regreso do PAC ao concello

Máis dun milleiro de persoas volveron a saír á rúa vestidas de loito no...

O PP vigués acusa ao Goberno local de non tomar nota por repetirse “os atascos monumentais” do pasado Nadal

O concelleiro do PP de Vigo Fernando G. Abeijón reprochou ao Goberno local que...

Arde un alboio en Gondomar sen que houbesen danos persoais

Un incendio calcinou por completo un alboio do lugar de Paraboa, na parroquia de...