InicioSociedadeAC8 Arquitectura, ProPlantae, Rurale e AirCO2, proxectos gañadores dos premios da Deputación

AC8 Arquitectura, ProPlantae, Rurale e AirCO2, proxectos gañadores dos premios da Deputación

PUBLICADO O

Deputación de Pontevedra puxo este luns punto e final tanto á Aceleradora multisectorial de empresas SmartPeme como ao II Concurso de desenvolvemento de solucións innovadoras.

Nun acto que tivo lugar na sede que a institución provincial ten en Vigo, a presidenta da Deputación de Pontevedra, Carmela Silva, sacou músculo do talento emprendedor da provincia.

“Todos os proxectos teñen unha mirada moi social, innovadora e comprometida, que fala de persoas que queren crear empresas diferentes, con valores centrados na sustentabilidade, no coidado, no humanismo, que constrúen sociedades e fan que o mundo sexa mellor“, destacou Silva.

A I Aceleradora multisectorial de empresas SmartPeme, que se pechou coa entrega de premios ás mellores iniciativas aceleradas a AC8 Arquitectura ProPlantae, desenvolveuse entre os meses de setembro e novembro coa participación de proxectos “nados recentemente”, que tiñan como obxectivo reorientar o seu negocio e pór en marcha a súa actividade en liña.

Para iso, durante este tempo, achegóuselles aos participantes formación sobre o emprego das novas tecnoloxías e a imaxe corporativa.

O gañador do I Aceleradora multisectorial de empresas foi Alexandre Cameselle con AC8 Arquitectura (Vigo), estudo de arquitectura especializado nos cambios de uso de locais a vivenda. O segundo premio logrouno Vanesa Redondo con ProPlantae (Nigrán), un laboratorio biotecnolóxico cuxa misión é diagnosticar fungos e estudar a multiplicación de microorganismos antagonistas para producir extractos de plantas.

II CONCURSO DE DESENVOLVEMIENTO DE SOLUCIÓNS INNOVADORAS

Así mesmo, a Deputación de Pontevedra puxo punto e final ao II Concurso de desenvolvemento de solucións innovadoras, proba que arrincou o pasado 28 de outubro.

Esta iniciativa, que se trata do cuarto reto tecnolóxico lanzado pola institución provincial desde o ano 2019, tiña como obxectivo galardoar ás mellores propostas en impulsar solucións innovadoras a través da creación dunha aplicación móbil, web ou plataforma tecnolóxica que axudase a promover a sustentabilidade nas empresas, no medio rural, así como a contribuír na mellora da igualdade nas empresas e a mellorar o emprendimiento.

Os proxectos gañadores foron Rurale, proposta que busca sacar proveito aos terreos en desuso a través dunha aplicación para crear comunidade entre os propietarios dos terreos e persoas interesadas en aproveitar esas terras, e AirCO2, idea que pretende democratizar e facilitar a transición ecolóxica axudando ás empresas a medir, reducir e compensar a pegada de carbono a través dunha aplicación que permite medir as emisións e compensalas asociándose con persoas propietarias de leiras en montes.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...