InicioSociedadeComesaña di que é normal que médicos durman en camas pediátricas do...

Comesaña di que é normal que médicos durman en camas pediátricas do Álvaro Cunqueiro

PUBLICADO O

O conselleiro de Sanidade, Julio García Comesaña, explicou que “non supón ningún problema” que os médicos en servizo de garda do Hospital Álvaro Cunqueiro de Vigo durman nas camas de pediatría, xa que “non xera dificultades asistenciais para os pacientes que ingresan”.

Comesaña sinalou, en declaracións aos medios de comunicación antes de participar na inauguración do XXV Congreso Nacional de Psiquiatría en Santiago de Compostela, que no hospital vigués “hai dormitorios para 110 médicos”.

Nesta liña, puntualizou que hai 64 médicos adxuntos de garda de presenza física e 46 médicos MIR nesta mesma circunstancia e que “teñen o seu dormitorio perfectamente habilitado desde sempre“.

Así mesmo, explicou que a ocupación media de camas no servizo de pediatría é “do 58 por cento”, o que indica que “practicamente só se ocupan a metade das camas”. Ademais, xustificou que “non é ningún problema que na propia planta de pediatría estean a durmir os médicos“.

Deste xeito, o titular de Sanidade destacou que o uso das camas de pediatría “ten a vantaxe de que está preto de xinecología ou anestesia”. Así, insistiu en que “o Álvaro Cunqueiro ten unha gran capacidade de dormitorios”.

ÚLTIMAS

Detido por exhibicionismo un home que se facía tocamentos e se masturbaba na praia viguesa de Samil

Axentes da Policía Local de Vigo detiveron a un home de 42 anos de idade, A.D.,...

O BNG pide grupos e artistas locais en Castrelos, tamén como teloneiros, no canto do “autobombo” do alcalde

O grupo municipal do BNG en Vigo volveu a pedir un ano máis que o Concello...

Decaltado incendio na fábrica de casas de madeira 5Jotas en Candeán

Solicitouse asistencia sanitaria para unha persoa debido a unha crise de ansiedade, mentres que...

Vigo terá un superávit do 1,1 % en 2024

A Autoridade Independente de Responsabilidade Fiscal (AIReF) ten a previsión de que todos os concellos en España...