A Mesa pola Normalización Lingüística denuncia a “estranxeirización” da lingua propia de Galicia por parte das administracións públicas. Esta nova denuncia está relacionada coa decisión dunha maxistrada do rexistro civil de Vigo que espondeu a unha parella que solicita que a súa voda se oficie en galego que “o legalmente admitido en dereito” é que o enlace se celebre en castelán, con tradución simultánea á nosa lingua.
“Unha vez máis”, recorda a vicepresidenta da Mesa Elsa Quintas, “a cidadanía galega ve vulnerados os seus dereitos lingüísticos por parte das entidades que están chamadas a defendelos, sendo forzada a elixir entre a súa lingua e a celebración dunha voda civil normal, como a de calquera cidadá española castelán falante”.
A Mesa lembra a liña do galego, servizo gratuíto ofrecido pola Mesa pola Normalización Lingüística dirixido a toda a poboación que tramita queixas cara ás institucións, empresas, etc, que vulneran os dereitos lingüísticos.