InicioSociedadeCaballero anuncia novos voos a Vigo pero sen concretar datas

Caballero anuncia novos voos a Vigo pero sen concretar datas

Pide á Xunta que pague voos desde Peinador porque os utilizan cidadáns de fóra de Vigo.

PUBLICADO O

O alcalde de Vigo, Abel Caballero, pediu este venres á Xunta de Galicia que pague voos desde Peinador xa que, segundo reivindicou, os avións subvencionados polo Concello tamén os utilizan cidadáns doutras localidades.

Na súa rolda de prensa diaria, tras ser preguntado polo concurso de voos que prepara o goberno local desde hai case un ano e que aínda non se puxo en marcha, Caballero volveu a cargar contra o Executivo autonómico, pedindo diñeiro para que financie voos.

O rexedor olívico insistiu en que a Xunta paga “practicamente todos os voos que se fan desde Santiago”. Unhas declaracións que foron desmentidas en varias ocasións non só polo Goberno galego, que reiterou que desde 2013 non financia a aerolíneas. Tamén o propio alcalde de Compostela, Xosé Sánchez Bugallo (PSOE), indicou que só o Concello financia voos desde Lavacolla.

Con todo, Abel Caballero indicou que agora Vigo é un “destino buscado”, pero aínda así estase tratando de chegar a acordos con empresas para potenciar o aeroporto, como é o caso de Air Nostrum. A pesar diso, non deu datas de cando estarán operativos, aínda que no principio do ano anunciouse que chegarían xa en novembro.

ÚLTIMAS

Estudantes de Vigo e Monforte álzanse con tres premios da competición educativa Young Business Talents

Dous equipos de alumnado do IES San Tomé de Freixeiro (Vigo) e un grupo...

A concelleira do PP de Vigo Irene Garrido presenta a súa renuncia para centrarse na súa actividade no Congreso

A concelleira do PP de Vigo Irene Garrido presentou este venres a súa renuncia...

O BNG promete ser “a primeira liña de defensa” de Vigo no Parlamento galego, fronte ao “abandono” da Xunta

O BNG trasladou este venres o seu compromiso de ser "a primeira liña de...

O TSXG confirma a sentenza dun xulgado de Vigo que declaraba legal a prórroga do servizo municipal de auga

O Tribunal Superior de Xustiza de Galicia (TSXG) confirmou a sentenza ditada en 2022...