O BNG de Arbo (Pontevedra) elixiu por unanimidade a Diego Prieto como cabeza de lista desta formación para as eleccións municipais que terán lugar en maio de 2023.
Segundo comunicou o BNG, coa elección de Diego Prieto, fai unha “clara aposta pola mocidade como alternativa de futuro”, abrindo “un tempo novo” para “devolver a ilusión e esperanza” aos veciños de Arbo e demostrar que hai “unha alternativa real ao PP”.
Os nacionalistas arbenses reivindicaron o seu traballo para defender o municipio, non só na oposición municipal senón tamén a través dos representantes do BNG no Parlamento de Galicia, con iniciativas como as presentadas para a protección das pesqueiras, ou contra o parque eólico de Sobredo.
