InicioSociedadeUnha investigadora de Vigo conclúe que o té e o aceite de...

Unha investigadora de Vigo conclúe que o té e o aceite de camelias galegas posúe propiedades anticanceríxenas

Rocío Barreiro vén de recibir un sobresaliente 'cum laude' por esta tese doutoral sobre a "flor das Rías Baixas".

PUBLICADO O

A tese doutoral da investigadora viguesa Rocío Barreiro, cualificada cun sobresaliente ‘cum laude’, concluíu que o té e o aceite elaborados a partir das camelias galegas posúen propiedades anticanceríxenas, desoxidantes e antimicrobianas.

Baixo o título ‘Composición química e capacidade desoxidante dos produtos obtidos de camelias de Galicia’ , a tese estuda as propiedades do aceite e o té producidos a partir de camelias cultivadas en Pontevedra e propón o seu uso comercial como “fonte de riqueza” para o territorio.

Desta forma, Barreiro conclúe na súa tese que as propiedades desoxidantes e o contido en vitamina E e catequinas das camelias axudan a protexer ás células dos chamados radicais libres e que, por tanto, serven para a prevención e o tratamento do cancro.

Así mesmo, o estudo demostra que o té realizado cos brotes e follas novas desta flor, ‘Camelia sinensis’, está composto de “vitaminas beneficiosas” para a saúde de quen o consuma, posto que se atoparon ata seis catequinas que engaden unha “importante bioactividade desoxidante” e, por tanto, anticanceríxena, a esta bebida.

En canto ao aceite das sementes de camelias pontevedresas, a tese galardoada destaca que posúe uns “valores similares” aos lexislados para o aceite de oliva virxe extra, debido ao seu “alto índice” de acedos grasos saturados, minerais e vitamina E.

A investigación foi realizada na leira do Areeiro, centro dependente da Deputación provincial pontevedresa e a Universidade de Vigo, e estivo dirixida pola doutora Carmen Salinero, xefa de servizo de Areeiro, e o doutor da Universidade da Rioxa Efrén Pérez.

ÚLTIMAS

A ministra Pilar Alegría non puido celebrar un acto en Vigo pola imposibilidade de entrar na cidade por colapso de tráfico

O colapso de tráfico nos accesos viarios a Vigo obrigou a suspender un acto...

Convocada para este domingo en Vigo unha concentración en repulsa polo asasinato machista de Oroso

O Feminismo Unitario de Vigo convocou para este domingo unha concentración en repulsa do...

O goberno municipal insiste no “interese político” da folga de Vitrasa: “Queren danar o Nadal e á xente”

O goberno municipal de Vigo defendeu este venres a súa actuación ante o conflito de Vitrasa, concesionaria...

Intervidas case 1.800 plantas de marihuana no operativo antidroga no Baixo Miño que se saldou con 6 detidos

Comisaría Provincial de Pontevedra, o Grupo I da Udyco da Comisaría Vigo-Redondela e o...