InicioSociedadeA residencia de Pazos de Borbén nega "malos tratos e abandono" no...

A residencia de Pazos de Borbén nega “malos tratos e abandono” no centro

Aseguran ser "vítimas" dunha serie de informacións "carentes de veracidade", despois de que familiares de residentes compartisen cos medios de comunicación fotos da suposta mala situación que viven os maiores no centro.

PUBLICADO O

A dirección da residencia de maiores Mi Casa do concello de Pazos de Borbén asegurou que non existe “ningún tipo de malos tratos nin abandono” no centro, a pesar das últimas informacións que apuntan o contrario.

Nun comunicado, lamentaron que están a ser “vítimas” dunha serie de informacións “carentes de veracidade”, despois de que familiares de residentes compartisen cos medios de comunicación fotos da suposta mala situación que viven os maiores no centro.

“A maioría das fotografías publicadas non se corresponden cos nosos residentes, cuxas patoloxías son obxecto de tratamento constante por parte do noso servizo de enfermaría e por parte da nosa médica, que ostenta vínculo laboral, o que garante asistencia médica aos nosos cincuenta e oito usuarios”, reivindicou a dirección.

Segundo o centro, non é posible publicar ditas fotografías de patoloxías sen coñecer a súa orixe, sen acceder ao historial médico dos pacientes e sen comprender o tratamento que se lles está dando.

Ademais, subliñaron que a residencia xa recibiu as correspondentes inspeccións por parte da Xunta, as cales tiveron como resultado “algunha carencia subsanable”, e aseguran que “non existe ningún tipo de malos tratos nin abandono como se dá a entender”.

Este venres tamén traballadores dos sectores de limpeza e auxiliares da residencia enviaron un comunicado á prensa asegurando “de forma rotunda e contundente” que as dependencias de Mi Casa e as persoas usuarias se atopan “en correctas condicións”.

ÚLTIMAS

Vigo supera de novo os 300.000 habitantes, “de longo a maior cidade de Galicia”

O alcalde de Vigo, Abel Caballero, anunciou que a cidade volveu a superar os 300.000 habitantes...

Case nove de cada dez usuarios da Asociación Érguete en Vigo comezou a consumir drogas antes dos 18 anos

Preto do 88% dos usuarios da Asociación Érguete en Vigo comezou a consumir drogas antes...

Abel Caballero celebra a chegada da moi alta tensión eléctrica á cidade: “É o que Stellantis e a cidade quería”

O alcalde de Vigo, Abel Caballero, celebrou este mércores o anuncio da aprobación no Consello...

Interceptan un conductor que superaba por cinco puntos a taxa de alcol permitida

A Policía Local de Redondela interceptou o pasado domingo a un home, veciño de...