InicioA LouriñaFalece tras sufrir un infarto a exalcaldesa do Porriño, Eva García de...

Falece tras sufrir un infarto a exalcaldesa do Porriño, Eva García de la Torre

O PSOE de Pontevedra, así como a agrupación socialista da localidade, trasladaron a súa "consternación" polo falecemento da exrexedora.

PUBLICADO O

A exalcaldesa socialista do Porriño, Eva García de la Torre, faleceu nas últimas horas tras sufrir un infarto, segundo confirmaron fontes próximas á que foi rexedora desta localidade ata o pasado mes de decembro. García de la Torre, de 59 anos de idade e natural de Sevilla, morreu no hospital Álvaro Cunqueiro, a onde fora trasladada tras sentirse indisposta e onde xa entrou en parada cardiorespiratoria. O persoal sanitario non puido facer nada e acabou falecendo.

A concelleira do grupo socialista, que tiña dous fillos, ostentou a alcaldía do Porriño desde xuño de 2015 ata decembro do ano pasado, cando presentou a súa dimisión para evitar unha moción de censura que dese o poder ao PP.

O seu xesto, finalmente, non impediu a investidura do ‘popular’ Manuel Alejandro Lorenzo, xa que a candidatura da socialista Lourdes Moure non conseguiu os apoios suficientes (polo voto discordante do concelleiro de Unión Democrática da Louriña, Manuel Carreira) para que a esquerda mantivese o goberno do Porriño.

O PSOE de Pontevedra, así como a agrupación socialista do Porriño trasladaron a súa “consternación” polo falecemento da exrexedora. Así, o secretario provincial do partido, David Regades, recoñeceu que os socialistas están “en estado de shock” polo repentino desta perda.

Pola súa banda, o alcalde convocou un pleno extraordinario para este xoves co fin de decretar tres días de loito oficial na localidade, crespóns negros e bandeiras a media hasta. Segundo trasladou a Europa Press Alejandro Lorenzo, o Concello ponse a disposición da familia para canto poida necesitar, e ofrécelles as dependencias municipais para a instalación da capela ardente.

ÚLTIMAS

Rescatado o corpo sen vida dun home despois dun accidente co seu kaiak en Fornelos de Montes

Os Bombeiros do Porriño rescataron o corpo sen vida dun home tras sufrir un...

Máis de mil persoas de loito en Moaña para reclamar o regreso do PAC ao concello

Máis dun milleiro de persoas volveron a saír á rúa vestidas de loito no...

O PP vigués acusa ao Goberno local de non tomar nota por repetirse “os atascos monumentais” do pasado Nadal

O concelleiro do PP de Vigo Fernando G. Abeijón reprochou ao Goberno local que...

Arde un alboio en Gondomar sen que houbesen danos persoais

Un incendio calcinou por completo un alboio do lugar de Paraboa, na parroquia de...