InicioSociedadeOs universitarios que aínda non están vacinados poden facelo sen cita no...

Os universitarios que aínda non están vacinados poden facelo sen cita no Campus

As universidades galegas inocularán este luns e martes --13 e 14 de setembro-- a estudantes e persoal dos centros as primeiras doses da vacina contra a covid sen necesidade de cita previa.

PUBLICADO O

- Advertisement -

Así o anunciou o pasado mércores o presidente da Xunta de Galicia, Alberto Núñez Feijóo, na rolda de prensa posterior á celebración do comité clínico que asesora ao Executivo galego no que respecta á pandemia.

Os puntos de vacinación habilitaranse nas sete grandes cidades galegas, nalgúns casos, nos centros masivos e, noutros, en lugares concretamente escollidos polas universidades para levar a cabo o proceso de inoculación.

Así, en Ferrol establecerase un punto de vacinación na Escola Politécnica Superior no Campus de Esteiro da Universidade da Coruña, onde poderán acudir tanto estudantes e persoal universitario como todos aqueles –aínda que non pertenzan ao ámbito da escola superior– que queiran recibir a vacina. Ese punto estará dispoñible entre as 09,30 e as 14,30 horas e entre as 14,30 e as 20,30 horas.

En Santiago de Compostela, vacinarase no auditorio Vidal Bolaño, entre as 9,00 e as 20,00 horas. Na Coruña, pola súa banda, a vacinación terá lugar en IFECO –ExpoCoruña–; mentres que en Pontevedra, realizarase no Recinto Feiral de Pontevedra, en quenda de mañá e tarde; e en Ourense, fronte ao edificio de Ferro –Facultade de Ciencias da Educación–.

Os universitarios de Vigo poderán acudir ao pavillón de deportes do campus, onde teñen preparadas 2.500 dose. En Lugo, habilitarase un punto de vacinación no campus universitario, concretamente, na Facultade de Veterinaria, e cuxo horario de funcionamento será de 10,30 a 13,30 horas e de 15,00 a 18,30 horas.

ÚLTIMAS

Vigo sen Bombeiros manifestarase este sábado para volver reclamar máis efectivos tras a morte de Sergio S.D.: “Xa se pagou un prezo moi caro”

A plataforma Vigo sen Bombeiros convocou unha manifestación para este sábado, ás 19.00 horas na Praza...

A Xunta critica ao Concello de Vigo por non poñer buses lanzadeira a Lavacolla

O conselleiro de Presidencia, Xustiza e Deportes, Diego Calvo, destacou este mércores a "resposta...

Entradas para o Galicia-Panamá se doas sangue

A Axencia de Doazón de Órganos e Sangue (ADOS) e a Real Federación Galega de Fútbol volverán desenvolver...

Adxudicado pola vía de emerxencia o servizo de transporte sanitario urxente da área a Emerxencias Sanitarias-Saluser

A Xunta, a través da Fundación Pública Urxencias Sanitarias de Galicia-061, adxudicou o servizo de transporte sanitario...