A Garda Civil interveu catro plantacións de marihuana na comarca do Baixo Miño e investigou ao cinco persoas presuntamente responsables por un delito contra a saúde pública por tráfico de drogas.
Fontes da Benemérita detallaron que as plantacións foron descubertas en actuacións levadas a cabo entre o 28 de agosto e o 5 de setembro en San Xoán de Tabagón, no municipio do Rosal; en Goián, no termo municipal de Tomiño, e en Guillarei, en Tui. En concreto, dúas destas foron atopadas no interior dun invernadoiro e as outras dúas, en leiras no exterior.
Deste xeito, efectivos do Equipo de Investigación da Garda Civil de Tui interviñeron 52 plantas de marihuana, cunha lonxitude aproximada entre 250 e 300 centímetros.
Mediante unha investigación, identificaron aos presuntos responsables das plantacións, cinco persoas ás que se lles imputa un presunto delito contra a saúde pública, por tráfico de drogas.
Finalmente, as dilixencias instruídas entregáronse no Xulgado de Primeira Instancia e Instrución de garda de Tui, onde deberán comparecer os investigados cando sexan requiridos.
