InicioSociedadeO MUVI de Cangas explora o papel dos videoxogos no ecoloxismo cunha...

O MUVI de Cangas explora o papel dos videoxogos no ecoloxismo cunha exposición

A mostra "pioneira" estará dispoñible no Salón do Libro de Pontevedra e en versión online.

PUBLICADO O

O ecoloxismo para dotar de valor cultural aos videoxogos. A fundación Museo do Videoxogo de Galicia volve colaborar de xeito activo co Salón do Libro Infantil e Xuvenil de Pontevedra, unha curiosa simbiose na que a conciencia verde terá un papel central tanto na divulgación interactiva como na tarefa de outorgar un novo nivel de recoñecemento aos videoxogos. 

Nesta ocasión, baixo a premisa da temática anual da cita, a Fundación explica que ten preparado un percorrido “imperdible” sobre a relación entre o videoxogo e a ecoloxía, da man dunha exposición con máis de dúas decenas de fitos que recollen “algúns dos momentos máis interesantes da industria en relación co medio natural, as enerxías renovables ou as problemáticas e solucións que a Terra ten por diante”.

Esta relación entre temáticas a priori tan diverxentes verase concretada nunha exposición que comprenderá obras, sistemas e información sobre todos estes elementos co obxectivo de “deixar patente como o videoxogo se relaciona coa realidade histórica e social de cada intre cronolóxico, abrindo cada vez máis portas no referido ás temáticas aos relatos e ao seu tratamento, nunha viaxe que vai, neste caso, desde o ano 1982 até o 2021″.

O pulo entre videoxogos e ecoloxismo chega nun momento particularmente delicado para o movemento verde en Galicia, que dende hai meses mantén unha guerra aberta coa Xunta de Galicia e o Goberno central pola implantación “desordenada” de enerxía eólica en territorio galego, unha “febre” que en certos casos podería chegar a ameazar mesmo espazos protexidos. Dende a organización subliñan que os que non se poidan desprazar á exposición sempre poderán visitala de xeito virtual nesta ligazón a partir do 1 de maio.

ÚLTIMAS

Segundo gran concerto de Castrelos 2024: Dani Fernández, o 13 de xullo

O músico español Dani Fernández actuará no auditorio de Castrelos de Vigo o sábado 13 de xullo. Nun audio...

O goberno de Vigo acusa a ecoloxistas de facer “política antivigo” por criticar a “política arboricida” do Concello

O goberno de Vigo acusou a veciños e ecoloxistas de facer "política antivigo" ao...

Dous detidos na desarticulación dun punto negro de venda de drogas en Navia

A Policía Nacional detivo este pasado xoves en Vigo a dous homes tras desarticular un punto negro...

Un camión guindastre choca contra o tendido eléctrico en Mos e provoca retencións e danos nunha vivenda

Un camión guindastre chocou na mañá deste venres contra o tendido eléctrico en Mos...