InicioSociedadeO paso entre Galicia e Portugal seguirá limitado ata o día 17

O paso entre Galicia e Portugal seguirá limitado ata o día 17

Poderase seguir cruzando por puntos limitados sempre e cando se conte cunha xustificación laboral ou familiar.

PUBLICADO O

España decidiu prorrogar os controis na fronteira interior terrestre con Portugal ata o próximo 17 de abril coas mesmas limitacións aplicadas ata o momento debido á situación epidemiolóxica en ambos os países.

Así o establece unha orde publicada este sábado no Boletín Oficial do Estado (BOE) e que amplía os controis que finalizaban este 6 de abril, polo que só se poderá entrar e saír do territorio español polos pasos autorizados e durante os horarios que se establezan.

Desta forma, só poderán acceder a España os cidadáns españois e o seu cónxuxe ou parella coa que manteñan unha unión análoga á conxugal inscrita nun rexistro público, así como aqueles ascendentes e descendentes que vivan ao seu cargo, sempre que viaxen con ou para reunirse con este.

Tamén poderán cruzar a fronteira os que residan no Estado español, aínda que será necesario que acrediten a súa residencia habitual, do mesmo xeito que os estudantes que cursen os seus estudos en España, os residentes noutros países membros da Unión Europea (UE) ou asociados a Schengen que se dirixan á súa residencia habitual.

Así mesmo, accederán ao Estado quen vaian transitar ou permanecer no territorio por motivos exclusivamente laborais, unha categoría na que se inclúen os traballadores transfroterizos, os sanitarios e os do transporte, en tanto que tamén están autorizados os que documenten causas de forza maior, necesidade ou motivos humanitarios.

O persoal estranxeiro acreditado como membro das misións diplomáticas oficinas consulares e organismos internacionais tamén poderán cruzar a fronteira, sempre que se trate de desprazamentos vinculados ao desempeño das súas funcións, do mesmo xeito que os participantes en viaxes de Estado e os membros de Forzas e Corpos de Seguridade e Forzas Armadas.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...