InicioSociedadeCríticas nun centro educativo de Vigo por non poder facer exames online

Críticas nun centro educativo de Vigo por non poder facer exames online

Alumnos do CIFP Manuel Antonio de Vigo esixen exames online e o centro educativo atense á Orde do 5 de novembro de 2010.

PUBLICADO O

- Advertisement -

O alumnado do ciclo superior Guía, Información y Asistencias Turísticas (GIAT), en modalidade a distancia, do CIFP Manuel Antonio de Vigo reclama ante a Valedora do Pobo que os exames da primeira avaliación sexan online debido á situación de risco que supón a pandemia do Covid-19 neste centro, onde hai cinco días se detectaran 10 positivos.

Nun escrito remitido aos emdios, din que, a pesar das continuas queixas e o malestar xeralizado dos alumnos e das alumnas, a dirección do centro ignorou as súas peticións amparándose na Orde do 5 de novembro de 2010 que establece que “na ensinanza a distancia, as tutorías colectivas e as probas parciais deberanse facer de xeito presencial”. Porén, o alumnado defende que esta normativa ” non ten nada que ver coa situación excepcional actual”.

O estudantado, escudado na Resolución do 4 de agosto de 2020 da
Dirección General de Educación, Formación Profesional e Innovación Educativa; defende que se poden realizar probar online, xa que a normativa permite este tipo de actuacións para atender ás posibles situacións de risco derivadas da pandemia que poidan surxir no contexto educativo.

Ademais, o alumnado destaca que en, polo menos, outros seis centros de FP a distancia da Coruña, Lugo e Ferrol -tres situados en zonas de risco extremo de incidencia de Covid e dous en zona de risco alto- realizarán estas probas de forma online, “minimizando o risco de exposición dos seus alumnos e alumnas”.

Polo momento, a única resposta por parte do centro foi realizar, “sen previo aviso”, un cambio no calendario de exames, atrasando a data de comezo destes do 1 de decembro ao 9 de decembro, “cos conseguintes problemas para as alumnas que pediran días libres no traballo”, explican os denunciantes.

ÚLTIMAS

Absolto o acusado de violar a unha moza durmida pola falta de consistencia da versión da denunciante

A sección quinta da Audiencia Provincial de Pontevedra, con sede en Vigo, ditou sentenza na que...

Condenan a 2 anos de cárcere a unha americana que estafou máis de 158.000 dólares a unha firma viguesa de produtos do mar

A sección quinta da Audiencia Provincial de Pontevedra, con sede en Vigo, acolleu este...

A xuíza acorda o arquivo da causa contra o detido na rúa Mestre Montes por agredir supostamente á súa nai cun garfio

A xuíza de instrución 2 de Vigo acordou o sobresemento e arquivo das actuacións...

Detidos dous homes na rúa Cánovas del Castillo por supostos roubos con forza no interior de 15 coches estacionados

Axentes da Policía Nacional da Comisaría de Vigo detiveron a dous homes como presuntos autores de...