InicioSociedadeUn xulgado do mercantil autoriza a cesión da Fonte do Troncoso ao...

Un xulgado do mercantil autoriza a cesión da Fonte do Troncoso ao Concello de Mondariz Balneario

A Fonte de Troncoso está formado por dous volumes arquitectónicos, a propia fonte e as oficinas da antiga planta embotelladora.

PUBLICADO O

- Advertisement -

O xulgado número 5 do Mercantil de Madrid emitiu un auto polo que se autoriza a cesión do inmoble da Fonte de Troncoso ao Concello de Mondariz Balneario. O pronunciamento xudicial ten data do 20 de novembro deste ano e transcendeu a través do Valedor do Pobo, que recibiu notificación este luns día 23.

De feito, o alto comisionado parlamentario recibiu unha queixa en relación a este inmoble, que estaba en ruínas e que forma parte do Catálogo do Patrimonio Cultural de Galicia e pertencía a unha empresa en concurso ordinario 261/2011, de Fontes Capital S.A., segundo recolle a propia información remitida pola valedora.

A Fonte de Troncoso está formado por dous volumes arquitectónicos, a propia fonte e as oficinas da antiga planta embotelladora. A cuberta deste último edificio derrubouse en marzo de 2019 polo estado no que se atopaba. Veciños da localidade realizaron accións reivindicativas sobre este inmoble proxectado por Antonio Palacios.

A Valedora do Pobo abriu unha investigación polo incumprimento do deber de conservación que o artigo 32 da Lei 5/2016, de 4 de maio, do patrimonio cultural de Galicia, que se impón ao propietario, posuidor ou titular de dereitos reais sobre bens pertencentes ao patrimonio cultural de Galicia.

Segundo investigacións efectuadas polo concello, resultou que a propiedade do inmoble correspondía a Fontes Capital S.A., sociedade en liquidación, un procedemento que se segue no xulgado do Mercantil número 5.

De forma paralela, o Concello de Mondariz Balneario iniciou o 7 de marzo de 2019 un expediente en relación co estado de ruína en que se atopaba a Fonte de Troncoso. Ademais, a institución municipal informou o seu interese en facerse coa propiedade do inmoble para poder reparar os danos que presentaba o ben e devolverlle “o esplendor” que un día tivo esta obra arquitectónica.

Durante o proceso, o concello mantivo contacto co administrador concursal de Fontes Capital e en distintos correos electrónicos informouse o estado de deterioración do inmoble, así como trasladouse o malestar dos veciños.

Durante o proceso, o administrador concursal chegou a indicar que o inmoble non figuraba como activo da entidade e que tampouco existía saldo para acometer as reformas que se solicitaban.

Finalmente, tendo en conta as particularidades do caso e a “urxencia” de actuar para evitar un dano “irreparable” nun elemento cultural, e en aras da colaboración entre administracións, a valedora do Pobo dirixiuse ao órgano xudicial, que vén de confirmar á institución a decisión de autorizar a cesión da Fonte do Troncoso.

ÚLTIMAS

Trasladan ao hospital a cinco persoas intoxicadas por monóxido de carbono en Vigo

Cinco persoas dunha mesma familia foron trasladadas este sábado ao hospital tras resultar intoxicadas...

Unha concentración polo peche da antiga estación de buses esixe o reacollo das persoas sen fogar

O valado das instalacións da antiga estación de autobuses de Vigo, na Avenida de...

Falece un escalador de Vigo nunha montaña de León

Un escalador de Vigo faleceu tras sufrir unha caída en Pena Ubiña en San...

O Porto de Vigo inicia a operativa de “eliminación e trincaxe” do buque ‘HC Eva Marie’

O Porto de Vigo iniciou este sábado a operativa para a "eliminación, desconsolidación e posterior trincaxe" dos...