InicioSociedade60 cámaras vixilarán as rúas de Vigo durante o Nadal para evitar...

60 cámaras vixilarán as rúas de Vigo durante o Nadal para evitar aglomeracións

Os dispositivos "detectan e contan siluetas", pero non gravan nin reproducen imaxes

PUBLICADO O

- Advertisement -

A Xunta de Goberno do Concello de Vigo aprobou este martes en sesión urxente o expediente de contratación dun sistema de control de aforamentos mediante cámaras, que “cubrirán” 60 rúas da cidade, para evitar aglomeracións con motivo da campaña do Nadal.

Así o confirmou en rolda de prensa o alcalde, Abel Caballero, quen explicou que o importe da adxudicación será de 46.000 euros, e que se fará a principios de decembro polo procedemento de urxencia. Segundo detallou o rexedor, trátase de cámaras que non gravan nin reproducen imaxes, senón que “detectan e contan siluetas” para evitar que se excedan os aforamentos permitidos.

As cámaras “cubrirán” 60 rúas, fundamentalmente do Casco Vello e centro da cidade, no que Caballero denominou “zona vermella”, que é aquela onde se concentran os principais elementos da iluminación e a ornamentación do Nadal.

O número de cámaras dependerá da tecnoloxía que ofreza a empresa adxudicataria, e deberán abarcar un rango de entre 30 e 400 metros. Se este sistema detecta que se alcanza o aforamento permitido nas zonas controladas (que estarán delimitadas por valos), estas pecharanse para impedir o paso da xente e as aglomeracións.

Este sistema de control de aforamento será complementado coa acción de 23 persoas contratadas polo Concello que, con apoio da Policía Local, velarán porque se cumpran os protocolos de seguridade sanitaria (uso de xel desinfectante, evitar aglomeracións, respecto dos aforamentos, distancia de seguridade, etc.).

ÚLTIMAS

Vigo sen Bombeiros manifestarase este sábado para volver reclamar máis efectivos tras a morte de Sergio S.D.: “Xa se pagou un prezo moi caro”

A plataforma Vigo sen Bombeiros convocou unha manifestación para este sábado, ás 19.00 horas na Praza...

A Xunta critica ao Concello de Vigo por non poñer buses lanzadeira a Lavacolla

O conselleiro de Presidencia, Xustiza e Deportes, Diego Calvo, destacou este mércores a "resposta...

Entradas para o Galicia-Panamá se doas sangue

A Axencia de Doazón de Órganos e Sangue (ADOS) e a Real Federación Galega de Fútbol volverán desenvolver...

Adxudicado pola vía de emerxencia o servizo de transporte sanitario urxente da área a Emerxencias Sanitarias-Saluser

A Xunta, a través da Fundación Pública Urxencias Sanitarias de Galicia-061, adxudicou o servizo de transporte sanitario...