InicioSociedadeA área de Vigo segue sen rexistrar grandes focos de coronavirus

A área de Vigo segue sen rexistrar grandes focos de coronavirus

Ascenden a dous o número de casos activos

PUBLICADO O

- Advertisement -

Galicia detectou 161 novos positivos por coronavirus o luns, unha cifra que supón baixar da barreira dos 200 despois de sete días consecutivos de caída. Ademais, o total de casos activos descenderon en 13, ata os 4.230, de acordo cos datos feitos públicos este martes pola Consellería de Sanidade. Isto sen contar os datos actualizados a primeiras horas deste luns pola Consellería de Política Social que apunta a un contaxio masivo na DomusVi de Outeiro de Rei con case un cento de positivos.

O último parte, elaborado con información recollida a última hora do luns, recolle que se curaron da COVID-19 en Galicia un total de 13.965 persoas, que son 173 máis que as que constaban un día antes. Deles, a área de Vigo rexistra dous casos activos máis, tras as curacións e os novos casos rexistrados.

Por áreas sanitarias, a da Coruña mantense como a que rexistra o maior número de casos activos, con 1.413 (11 menos). Tamén baixan as persoas que padecen a enfermidade nas áreas sanitarias de Lugo, que contabiliza 801 casos activos (15 menos) –sempre sen ter en conta o novo gromo da residencia de Outeiro de Rei–, e na de Santiago, con 662 (baixan en 26).

No lado contrario, o resto de áreas continúan á alza. A que máis sobe nos casos activos é Pontevedra, ata os 371 (+28); seguida de Ferrol, que contabiliza 170 infectados (+11); Ourense, con 467 (+8); e Vigo, con 346 casos (+2).

O número de mortos que deixa a pandemia en Galicia é de 663, un máis que as vítimas que figuraban na actualización anterior, tras notificarse este martes o falecemento dunha muller de 80 anos con patoloxías previas na residencia Orpea Coruña, en Culleredo (A Coruña).

Os datos facilitados este martes pola Xunta sinalan que ata o momento realizáronse un total de 369.998 probas PCR na Comunidade, 2.658 máis que no parte do luns.

ÚLTIMAS

Amplo seguemento da folga na área de Vigo, segundo os sindicatos

Por zonas, a central nacionalista informa de que, en Vigo, na farmacéutica Cofano xa...

Sindicatos calculan un 20% de seguemento na quenda de noite de Stellantis Vigo

Datos desiguais sobre o seguimento da folga xeral deste mércores nas distintas compañías industriais...

Vigo e as pensións

POR ÓSCAR LOMBA, activista social e integrante de Podemos Defender as pensións públicas é defender...

Vigo, epicentro dunha folga xeral con numerosas mobilizacións en toda Galicia

Os traballadores galegos están convocados este mércores 11 de novembro a secundar unha folga...