InicioSociedadeO Concello estudará facilitar espazos para os recreos ante a "ausencia" da...

O Concello estudará facilitar espazos para os recreos ante a “ausencia” da Xunta

Abel Caballero avanzou que o Concello contactará cos centros educativos para reforzar os plans de tráfico e para estudar, se fose necesario, a cesión de espazos para os recreos.

PUBLICADO O

O Concello de Vigo estudará a posible cesión de espazos a colexios para que os nenos poidan gozar dos recreos en condicións de seguridade e cumprindo as restricións derivadas da pandemia de coronavirus, segundo avanzou o alcalde, Abel Caballero.

Nunha rolda de prensa, o rexedor olívico avanzou que o Concello contactará cos centros educativos para reforzar os plans de tráfico e para estudar, se fose necesario, a cesión de espazos para os recreos. Así, aínda que confirmou que xa hai “peticións” nese sentido, non concretou máis detalles.

En todo caso, Caballero volveu a criticar a “ausencia” da Xunta no apoio aos centros escolares de face ao regreso ás aulas, porque o goberno galego “non está a facer nada para facilitar” o inicio do curso en condicións de seguridade.

Segundo insistiu, a administración autonómica, que ten as competencias, debe sufragar a contratación de máis persoal, a adaptación dos transportes ou o material de prevención.

No caso dos recreos, Abel Caballero subliñou que terán que ser “distintos”. “Os espazos terán que estar acoutados de forma distinta e, como vai axudar a Xunta?“, preguntou, á vez que constatou que “o traballo o fai o Concello fóra da súa competencia”.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...