A Brilat realiza labores de desinfección nunha residencia en Vigo

Desinfección nunha residencia de maiores por parte da Brilat. BRILAT

O Exército de Terra, a través do seu Mando Compoñente Terrestre, dentro da ‘Operación Balmis’ no marco da crise sanitaria do COVID-19, desprega este martes unidades da Brilat para, entre outras, realizar tarefas de desinfección nunha residencia de maiores en Vigo.

Segundo informou a Brilat, os equipos de descontaminación NBQ (Nuclear, Bacteriolóxico, Químico) van realizar labores de desinfección na Residencia da 3ª Idade Moledo S.L. en Vigo.

Tamén entre os seus labores a Brilat ten previstas este martes misións de apoio co despregamento da estación de triaje no Hospital Universitario Central de Asturias en Oviedo (HUCA), ademais da colaboración coa Garda Civil no control fronteirizo no límite de Galicia con Portugal nas provincias de Pontevedra e Ourense, con patrullas móbiles.