Basean a súa petición no uso, por parte do persoal, das mascarillas FFP2 da marca 95 Garry Galaxy defectuosas retiradas por orde Ministerial. Sinalan que o persoal de ambulancias estivo exposto directamente ao COVID19 durante o transporte de pacientes durante días, coa falsa creanza de estar protexidos.

“A Xunta procedeu a retirar e a cambiar estas máscaras por outras novas, “pero isto non evita o posíbel contaxio do persoal de ambulancias que estivo traballando con elas durante días crendo que estaba protexido, nin o das persoas que tiveron contacto con estes traballadores e traballadoras” sinala nun comunicado o responsáble da CIG-Transportes, Xesús Pastoriza.

A CIG pide que se identifique a todo o persoal que estivo en exposición de risco, cunha falsa protección, e se proceda de inmediato á realización do test que corresponda, máxime cando dende a propia Xunta acaban de anunciar publicamente que se realizarán 100.000 test de Covid19 entre a poboación galega.