O Exército de Terra, a través do seu Mando Compoñente Terrestre, no ámbito da ‘Operación Balmis’, posta en marcha con motivo da crise sanitaria do COVID-19, despregará este luns unidades da Brilat para diversas misións, entre elas labores de desinfección do Aeroporto de Vigo.
Segundo informou a Brilat, este luns os equipos de descontaminación NBQ (Nuclear, Bacteriolóxico, Químico) van realizar labores de desinfección no Aeroporto de Vigo. Ademais teñen previstas misións de presenza e recoñecemento nas localidades de Ponte Caldelas, Mos, Oia, Cesantes e Vilarchan.
A estas súmanse misións de apoio co despregamento da estación de triaje no Hospital Universitario Central de Asturias en Oviedo (HUCA) e a colaboración coa Garda Civil no control fronteirizo no límite de Galicia con Portugal nas provincias de Pontevedra e Ourense, con patrullas móbiles.
