O Exército de Terra, no ámbito da Operación Balmis durante o estado de alarma contra o coronavirus, desprega unidades da Brilat este sábado nos municipios galegos de Cangas, Nigrán, Gondomar, Vilaboa e Redondela co fin de realizar misións de presenza e recoñecemento.

Ademais, o exército realizará labores de apoio á Garda Civil no control fronteirizo tanto na provincia de Pontevedra como na de Ourense con patrullas móbiles.

Xunto a isto, levará a cabo tarefas de desinfección cos equipos de descontaminación Nuclear, Bacteriolóxico, Químico (NBQ)) tanto no Hospital Provincial de Pontevedra, como no Hospital do Sálnes de Vilagarcía de Arousa (Pontevedra).