InicioSociedadeO buque hospital 'Esperanza do Mar' parte de Vigo para apoiar a...

O buque hospital ‘Esperanza do Mar’ parte de Vigo para apoiar a frota que faena nos Azores

Conta con quirófano, radioloxía, laboratorio de análise, camarotes de illamento para procesos infecciosos e psiquiátricos.

PUBLICADO O

- Advertisement -

O buque sanitario e asistencial ‘Esperanza do Mar’, adscrito ao Instituto Social da Mariña, partiu na tarde deste sábado de Vigo para retomar a súa actividade de apoio á frota que nestes momentos faena na área dos Azores.

Diso informou a Delegación do Goberno en Galicia, que lembra que este buque propiedade do Ministerio de Inclusión, Seguridade Social e Migracións, presta apoio asistencial e sanitario á frota que faena en Azores e no Atlántico Norte, un labor que nestes momentos adquire especial relevancia.

Pola súa banda, nun comunicado, o Instituto Social da Mariña indicou que despois de realizar as reparacións obrigatorias en Vigo, baixo a supervisión e o control da Capitanía Marítima e da Sociedade Clasificadora, Lloyd’s Register, o barco, cuxo porto base está nas Palmas, partiu sobre as 18,00 horas do porto de Vigo ao encontro da frota que faena en augas dos Azores.

EQUIPAMENTO

O Instituto Social da Mariña destacou que, equipado cunha dotación tecnolóxica e sanitaria de vangarda, conta cunha zona hospitalaria que ocupa unha cuberta completa. Así, dispón de quirófano, radioloxía, laboratorio de análise, camarotes de illamento para procesos infecciosos e psiquiátricos.

Entre as súas misións -do mesmo xeito que o seu irmán pequeno, o “Juan de la Cosa”, que cobre a área do Cantábrico e Atlántico Norte- atópase prestar asistencia sanitaria mediante consulta tele-médica; atender, tanto nas súas instalacións como nos propios barcos, aos accidentados e, se a situación o require, realizar a evacuación de pacientes ata o porto máis próximo.

ÚLTIMAS

Investigan a morte dun vigués tras ser agredido no concerto de Karol G mentres facía unha videochamada coa súa parella

A morte do vigués de 42 anos golpeado tras o concerto de Karol G,...

Máis de 200 persoas gardan un minuto de silencio en Baiona polo veciño falecido no ‘Argos Georgia’

Máis de 200 persoas gardaron na tarde deste mércores un minuto de silencio en...

Malvinas suspende o operativo de busca dos 4 desaparecidos debido ás condicións climáticas

O goberno das Malvinas emite un comunicado sinalando que suspenden temporalmente a busca dos...

Baiona convoca unha “concentración de homenaxe” polo falecemento de Santiago Leyenda no Argos Georgia

Declaracións do alcalde de Baiona, Jesús Almuiña, que convocou unha concentración hoxe ás oito...