As residencias que DomusVI en Vigo en Cangas suman xa once mortes, cinco na DomusVi Aldán e seis na DomusVi Barreiro, aínda que os familiares elevan a cifra desta última a sete nos dous casos, co cal serían trece os mortos. Uns números que fan que só nestes dous centros se concentren máis dun 9% dos 130 mortos que hai en Galicia na mañá deste xoves 2 de abril.

De feito, Vigo e Cangas suman case o 35% das mortes rexistradas en residencias en toda Galicia, que son, a estas horas de 32. Un número que representa o 25% das mortes por coronavirus rexistradas, o que representa que os protocolos dos centros e da propia Xunta non funcionaron axeitadamente neste tipo de residencias, especialmente, nos primeiros momentos da difusión da pandemia.

E este número, desafortunadamente, pode aumentar drasticamente nos vindeiros días, xa que hai 428 maiores contaxiados, algúns deles xa con “coidados paliativos”. E deles, 176, son de Vigo e de Cangas, 72 usuarios contaxiados no primeiro e 104, no segundo. En total, o 41% dos contaxiados en residencias está nestes centros.