InicioSociedadePeche de piscinas, ximnasios, mercados...Os concellos fronteirizos con Galicia blíndanse contra o...

Peche de piscinas, ximnasios, mercados…Os concellos fronteirizos con Galicia blíndanse contra o coronavirus

PUBLICADO O

- Advertisement -

Algúns dos principais concellos do norte de Portugal limítrofes con Galicia tomaron a decisión de pechar edificios públicos e suspender todas as actividades deportivas, festivas ou culturais previstas para as vindeiras semanas. Unhas medidas que chegan tras a recomendación do Goberno luso de tentar conter a difusión do coronavirus.

Así, Valença do Minho, Vilanova da Cerveira, Monçao ou Caminha son algunhas das localidades que decidiron pechar temporalmente os edificios municipais “non esenciais”, entre eles, piscinas, ximnasios, mercados, auditorios ou bibliotecas e museos. Tamén acordaron evitar atender de xeito presencial ao público e instan aos cidadáns a facelo vía telefónica. Ademais, acordaron suspender toda a programación cultural e outras actividades municipais.

A decisión de pechar algúns destes servizos afecta tamén a moitos galegos que son usuarios destes servizos municipais, nomeadamente, das piscinas e ximnasios.

Segundo informan as distintas cámaras municipais, as medidas foron tomadas como “carácter preventivo” ante a difusión do coronavirus e estarán polo menos vixentes ata final de marzo.

Tal é a contundencia das medidas adoptadas que, por primeira vez en 769 anos, a Cámara Municipal de Monçao decidiu aprazar a conmemoración da fundación deste concello en 1261. Uns actos que estaban previstos para esta quinta feira.

SITUACIÓN EN PORTUGAL

O número de casos confirmados de infección polo novo coronavírus é de case 50 persoas en Portugal. De acordo co boletín sobre a situación epidemiológçxica en Portugal, hai preto de 400 casos sospeitosos, dos cales 83 agardan resultado laboratorial. Segundo a DGS, hai aínda 667 contactos en vixilancia polas autoridades de saúde.

ÚLTIMAS

Caballero “tende a man” a Rueda e pide un encontro

O alcalde de Vigo, Abel Caballero, pediu un encontro co presidente da Xunta, Alfonso Rueda, para...

O Concello media coa compañía eléctrica para que reactive a luz á familia do Calvario con dous fillos menores

Os servizos sociais do Concello de Vigo mediaron coa compañía eléctrica para solicitar a reactivación da...

Descenden os cuceiristas no porto de Vigo

O porto da Coruña recibiu un total de 74.263 pasaxeiros de cruceiros no primeiro...

(Vídeo) A Confederación Hidrográfica investiga o vertido da cidade deportiva do Celta tras a denuncia de Ecoloxistas en Acción

Este martes, representantes de Ecoloxistas en Acción, xunto con membros das traídas de auga...