InicioSociedadeVigo Histórico, a revolución cidadá contra o túnel que quere Abel Caballero...

Vigo Histórico, a revolución cidadá contra o túnel que quere Abel Caballero na Porta do Sol

Centos de persoas participan nunha actividade organizada por esta asociación, moi crítica co proxecto do Goberno local.

PUBLICADO O

Ducias de persoas participaron este sábado nunha actividade organizada polo movemento cidadá Vigo Histórico para dar a coñecer a historia da cidade –boa parte dela descoñecida polos propios vigueses– e o seu patrimonio, non só o que se ve na superficie, tamén o que está agochado baixo o chan e ao que a obra do túnel da Porta do Sol que quere construír o Goberno de Abel Caballero (PSOE) ameaza con estragalo.

Un informe deste colectivo, no que participan diversos expertos, alerta do impacto do túnel no patrimonio cultural de Vigo. Para estes, “é unha aberración facer cambios substanciais nun conxunto BIC (O Casco Vello) que debería permanecer invariable no tempo”.

Tamén alertan de que “o túnel supón un desastre a nivel arquitectónico, arqueolóxico e sobre o valor do conxunto” e a obra “sáltase varios pasos da protección xuridica do patrimonio”.

“Ademais de poñer en risco efificios de cimentación antiga”, consideran que “vai dividir definitivamente o Casco Vello en dous”, ademais de facer “perder todo posible e probable xacemento que se atope no subsolo”, xa que “o control arqueolóxico só se vai realizar no primeiro metro e medio de profundidade”, polo que “todo resto romano ou da muralla que se atope máis abaixo vai ser levado por diante”, alertan.

Por outro lado, argúen que para a peonalización da Porta do Sol “non é necesario” facer un túnel, como así demostra a proposta que presentaron.

Ata agora, a asociación Vigo Histórico iniciou diversas accións de denuncia deste proxecto ante a Xustiza, tanto contra o Concello de Vigo como contra a Consellería de Cultura.

ÚLTIMAS

Asistidas un pai e a súa filla en Vigo tras producirse un incendio na súa vivenda

Dúas persoas, un pai e unha filla, necesitaron asistencia en Vigo este xoves tras producirse...

Emilio Sotelino ou a Asociación de Viúvas Demócratas entre os Vigueses Distinguidos 2024

O pleno de Vigo aprobou este luns por unanimidade nunha sesión extraordinaria os novos Vigueses...

O goberno de Vigo aproba o marco orzamentario ata 2027 e prevé investimentos por valor de 33 millóns cada ano

O alcalde de Vigo, Abel Caballero, anunciou que o goberno local aprobou o marco...

Pechados parques e espazos arbóreos da cidade de Vigo debido ao temporal

O Concello de Vigo restrinxiu por seguridade o acceso aos parques e espazos arbóreos...