Organizado para o sábado un roteiro polo Casco Vello de Vigo contra a “ameaza do túnel”

"Mostraránse as desfeitas pasadas nas que perdimos o Vigo que puido ser", asegura o colectivo nun comunicado de prensa.

O colectivo Vigo Histórico organiza un roteiro levado pola historiadora Bea Cebrián polo Casco Vello. Será o próximo sábado 7 de marzo, as 11:30 partindo da Praza do Rei e terá como obxectivo “vislumbrar a ameaza do túnel”.

“Mostraránse as desfeitas pasadas nas que perdimos o Vigo que puido ser. E o risco de desfeitas futuras, como o túnel, na que o Concello pretende facer  modificacións sustanciais nun barrio, protexido pola catalogación BIC,  que debería permanecer invariable no tempo”, asegura o colectivo nun comunicado de prensa.

DEIXAR UN COMENTARIO

Please enter your comment!
Please enter your name here